Nansi isithombe soMntwana u-Bhokwe kaZibhebhu kaMaphitha Zulu . Nguyena owalandela inkosi u-Zibhebhu esihlalweni sobukhosi . Empeleni indlalifa yoMntwana u-Zibhebhu kwakunguMntwana u-Msenteli owayezalwa yiNkosikazi u-Cikose Biyela okaMvundlana owamuzalela udadewabo u-Nomvula ongazange athole abantwana.Imind eni yavumelana ngokuthi u-Cikose owabe engudadewabo omncane kaNomvula ayogana u-Mntwana u-Zibhebhu ukuze amzalele indlalifa. Lelo kwakuyisiko lasebuNguni. Emgcagcweni kaCikose u-Cikose wagcagca ephethe umkhonto kaMntwana u-Zibhebhu wobukhosi nokwakusho khona ukuthi uzozala indlalifa. U-Cikose wakhulelwa wazala u-Msenteli . Wabuye wazala nentombazane u-Nomangxenge owashona eqala ukuthomba . Ngakho-ke nguMntwana u-Msenteli okwakumele alandele uyise esihlalweni sobukhosi kodwa amaNgisi amchitha abe eseqoka u-Mntwana u-Bhokwe ongazange abonwe nanguYise kwazise wayenezinyanga eziyi 18 ngenkathi iKhomishane yamaNgisi eyayiholwa nguCharles Saunders imuqoka ukuba abe yindlalifa yakwaMandlakazi. Inhloso yamaNgisi kwabe kuwukuqhubeka nokudala izinxushunxushu , ngoba ayazi kahle ukuthi uMntwana u-Msenteli wayesondelene neNdlunkulu yakwaZulu ngoba ilobolo loNina ingxenye yalo enkulu yayikhishwe yiSilo uMpande . Ngakho-ke vele ayengeke aze amamukele njenkosi yakwaMandlakazi . UMntwana u-Bhokwe wayezalwa yinkosikazi u-Geja kaMatshana Sithole
Imithi yesintu (Izincazelo nezithombe)
Madlala
Hlokohloko, Sishi Khabalidaka,Mpumuza Sozabe Nodlomo Dlobeni Nina enadla inhlunu niyililela Somagodla owagodla ingwe nengonyama Mabiya ngothuli amahlahla ehlezi
Nzuza
Mahlobo, Mshazi Debelimdaka, Bomvula. Wena owahlaba iso leSilo ngomuso wahlaba eleNgonyama Nozishada kaMaqhoboza Owaqhoboza izinkomo zamadoda UMajiya kaDiniZulu kaMsuthu Mudli
Dlamini Malandela
Dlamini Malandela Nyanya Mfolozi eMnyama iNkethabaweli AbakoNyanya abayiphuzi ngoba yafika neNkosi yakubo Abanebhaxa abayiweli Babuyela kubo bayofuna isithole esimdaka Abazowela ngaso Soshenge Wena wakwaSomabika ngokubikela aMaShenge Ukuthi kuyadliwa kwaMandlakazi Manzayiwayo!
Izibongo zeNkosi uSenzangakhona ka Jama
IMbongi ::uTholudaba wakwaNdlovu >>>> UMjokwane kaNdaba Usalakutshelwa usalakunyenyezelwa Ubhid’elimathetha ngezinyembezi LinjengelikaPhiko waseBulawini Inyath’ehamba Isengama amazibuko Injengomzingeli kumaMfekwane Ozothebe zinhle uMjokwane Ezidliwa ngamancasakazi Udle umfazi... qhubeka ufunde »
Chili
Mthuyi, Mnguni! Qwabe kaNozidiya, Khuzwayo! Mlamlankunzi Ungaziyeka zibulalane Mthatathu kaGumede, Nin’ eniguvuzela umuntu ngehemu lakhe. Isigogo esisind’ abatshathi. Donga olulal’ amankentshane Nina bas’ Ongoye. Mbuse, Malinda Lushaba Ntseka Wena owashaya insimbi ngomlenze. Mgcwalisi wethus... qhubeka ufunde »
Buthelezi
Shenge, Sokwalisa, Phungashe kaQwangubana. Mnyamana kaNgqengelele, Sondiya, Mnandingamondi, Wena owadliwa zindlovukazi zamlobolela, Nina zinyawo ezimahhele, Enaganisa izintombi nanganye nangambili…..
Mchunu
Macingwane. Yeyesa Phakade , Macingwane , wena waseNgonyameni. Jama kaSilwane, Nyanda yemkhonto, Phakade akagugi koze kuguge izngane zakhe, Wena kaNogida ngobambo ezinye izintombi zigida ngomshanyelo..