UMhluhluwe.
Incazelo ngoMhluhluwe(Dalbergia armata)
Nina abakaMkhwamude owangisika isilevu uSungulo olude lwangithunga impumulo.ISela lintongande lawoBaleka,lithabathe uMshiza lawetshatha liyawugalela ngawo eMankengeneni.Enhla nasezansi ngiyababingelela abaSilo.Ngethemba basaphila abeNgonyama,cha thina sisaphila eMantungweni.Nina beQhawe lo muthi eniwubona esithombeni kuthiwa uMhluhluwe igama lawo.NgesiNgisi kuthiwa yiThorn -rope ngenxa yamagatsha awo anameva,athandela ezinye izihlahla.Ubuye ubizwe ngeHluhluwe Climber.NgesiBhunu kuthiwa iDoringtou.Ka sePedi bare ke Sehlokootswa.
Wenzani uMhluhluwe?
Nina beSilo lo muthi uMhluhluwe uye uqhathwe kakhulu noMzungulu,ngingasho ngithi le mithi yomibili ingabahlobo.Ifana noQonsi , uBangalala kanye noMdubu.Le mithi yomithathu ingabaHlobo abakhulu kwezoMvusankunzi.Ingakwenzela izimanga ngokuyithaka nje yomithathu, womise izimpande zayo bese ugaya impuphu yazo oyoyidla ngoBisi ekuseni njenganaCornflakes.Sesibuyela kuMhluhluwe, nawo -ke uwumngane omkhulu woMzungulu.Izimpande zale mithi ziye zithakwe embizeni yomzimba omubi,umzimba uthandwa izinduna.Kanti impuphu yezimpande zoMhluhluwe kanye nezoMzungulu inanyekwa emanxebeni abhibhayo,noma asemasha ishise wonke amagciwane,lome,futhi lelapheke inxeba.Le mpuphu ibuye ibe yinhle nasemathumbeni.UMhluhluwe nawo ukhula uthandele ezinye izihlahla njengawo uMzungulu. Impande yoMhluhluwe ibuye ingene kwezokucupha.Iyangena kwezokucapha umfazi.Iyangena futhi naseMabuthweni athunywa ukuyophindisa. Iyangena nasezinsizini zeziBhobo.Iyangena nasezinsini zaMalumbo.Iyangena nakwezeMeqo. Impande yoMhluhluwe iyangena eGobongweni lokukhuphala umoya weNzuza.Iyangena futhi kwezokuvula iDlozi elivaliwe.Iyangena kwezokubethela.Iyangena naseZikweni lemfuyo.Impande yoMhluhluwe iye ibiliswe bese amanzi ayo asafudumule axubhe umuntu ophethe izinyo,akhiphe isilwane ezinyweni kwazise lo muthi ungeminye yemithi ebizwa ngama-Antibacterial plants.
Ngena kuYou Tube wethu osihloko sithi “Kholo Khumalo TV” uthole olunye ulwazi ngamakhambi.Niphile nina bakaMbombosh’omnyama uMgabadeli owagabadela inkundla yakwaBulawayo.
