Nkopane/Monaheng

***Sereto sa Bakwena ba ha Nkooane/Monaheng***

Ke Mokwena wa MmaNtsane a Monaheng,

Wa Nkopane a Mathunya.
Kwenana-nyane kwena di a tshaba,

Kwena ho hlapa tse potlana,

Kwena tse kgolo di a seha feela.

Ke Mokwena wa Ntsane a Monaheng,

Wa Napo a Mosito,
Kwenanyane,

Kwena di e sira ka seriti metsing,

Ho hlapa tse dipotlane,

Kwena di hlapa di a nyolosa madiboho,

Ke Motebang,

Ke teba ka sekepe!

Mokwena wa ha Monaheng,

Maila ho ngwathelwa,

Motho ya sa jeng sengwathwana sa maobane,

Ha e tla re ha a eja ho thehe meriti,

E menyane ya diotlwana
Ke motho wa Nkopane le Mohlomi,

Ke motho wa ha Monaheng,

Ke Mokwena wa Monaheng

Wa Nkopane wa Mathunya

Ke modidimanyane ngwana Ramakatsa

Morapela putswa o e rapela a sa e bone
Petsana ke ya lehowahowa

Makhetha
E howa e koma komisa ditjhaba

Tsa heso tsa ha Monaheng
Makhetha ke Tau ngwana Ramakatsa***

Tags:
Umbhali: Bongukholo Khumalo