UMthunyelelwa

Incazelo ngoMthunyelelwa  ( Pleurostylia capensis)

Nina abakaCala lathethwa ngomkhonto kubo kwaMalandela amanye amacala ethethwa ngezindukwana.USomkhanda wakithi eMkhontweni okhande abezindlu nabezindlwana abezindlu bayikhexa imilomo.ISilo sakithi oSuthu leso.iSilo uDinuzulu kaCetshwayo.Ngethemba basaphila abeSilo.Esithombeni uMthunyelelwa nina beSilo,induku enhle eZikhafulweni.Bayihasha ngokuthi ‘uMathunywa avume kuhle kweMpaka yomthakathi”.

Yenzani le nduku

Nina beSilo kule nduku kuye kusetshenziswe impande.Yinhle kakhulu le nduku kwiZikhafulo.Yinhle kuMabutho athunywa ukuyolanda izikweletu.Yinhle kuMabutho athunywa ukuyolwa,Yinhle kuMabutho athunywa ukuyofuna into elahlekile.Yinhle kakhulu le nduku kwezokulanda umuntu osuke ebhungukile.Yinhle kakhulu le nduku kwezokufesa.Yinhle le nduku kwezokucacisa amaphupho.Yinhle le nduku ezindukwini zoThwasa ePhehlweni.Kwezokufuna izinto abasuke befihlelwe zona ngenkathi besaphehlwa.Yinhle kwiMibhemiso yabo esuke ithake uNgobonisele,uMkhondweni,uMoyawezwe kanye nezinye.Yinhle le nduku nakwiZikhafulo zamaSoka.

Khumu ! 

Thola olunye ulwazi kuYou Tube wethu osihloko sithi “@EShungwiniLeNtungwa”.