UMlingisi uBongani Gumede.

Umlando ofinqiwe ngenkosi uPhakathwayo ka Khondlo

Nina beSilo esithombeni nguBaba uBongani Gumede onguMlingisi,udlala kwiScandal ETV.Inkosi uPhakathwayo ka Khondlo Qwabe yayibusa abantu bakwaQwabe ngesikhathi sokubusa kweLembe.Abantu bakwaQwabe baphuma kuQwabe indodana yenkosi uMalandela,uQwabe wayenguMnewabo kaZulu ka Malandela owazala abakwaZulu.Inkosi uPhakathwayo yayibongwa ngokuthi ingu”Sondaba woMthanda,uSodlabehlezi wakoMkhweyeya,obizwe kwaBhekisa wavuma.Amakhos’abazw’iminyakanyaka,uNgqwashiy’obomvu wanguGodolozi”.Ibinda!Kusukela ngesikhathi senkosi uQwabe ka Malandela izigodlo zamakhosi akwaQwabe zibizwa ngokuthi kuseMthandeni.Inkosi uPhakathwayo nayo yaba ngenye yamakhosi ahlaselwa yiSilo uShaka ngenkathi sihlanganisa izizwe.Isizathu sokuhlaselwa kwayo kwaba wukuthi iLembe lalikade licele usizo lwamabutho enkosini uPhakathwayo ngenkathi lilungiselela impi yalo nenkosi uZwide.Kuthiwa yanqaba inkosi uPhakathwayo,lawacela ngomkhonto-ke iLembe kwaliwa impi enkulu kwazise isizwe sakwaQwabe sasesisikhulu ngaleso sikhathi.Alugoba uphondo amaQwabe kuleyo.Ngokusho kukaBaba uMoses Ngcobo encwadini yakhe esihloko sithi “Qhude manikiniki”uthi inkosi uPhakathwayo yathi uma izwa umbiko owawuthi impi yayo yehluliwe yamelwa yinhliziyo yakhothama emzini wayo.Kusuke kushiwo yona inkosi uPhakathwayo ezibongweni zeLembe uma kuthiwa ÍLanga eliphandle elinye ngemisebe,ngoba liphandle elaseMthandeni”…Ukuphandla elinye igama elisho ukuxhopha.

Khumu!