ICubudwane

Incazelo ngeCubudwane

Nina abakaMpondo zamila enjeni engabe enkomeni zesabani , uSomkhanda wakithi eMkhontweni okhande abezindlu nabezindlwana abezindlu bayikhexa imilomo! UCala lathethwa ngomkhonto kithi kwaMalandela amanye amacala ethethwa ngezindukwana! Enhla nasezansi ngiyayibingelela yonke iNgabade , ngethemba nisaphila  nina beSilo kungumhla weshumi nesikhombisa kuNhlangulana, 17 Juni. Cha , thina sisaphila eMantungweni. Lo muthi eniwubona esithombeni nina beSilo kuthiwa yiCubudwane igama lawo lesiZulu. Anginalo igama lawo lesiLungu.

Lenzani iCubudwane?

Nina beSilo iCubudwane lingumuthi omkhulu wezingane , lingena kakhulu ezimbizeni zezingane. Kusebenza isigaxa salo . Siyakwazi ukusebenza sizodwa. Sisiza kakhulu uma ingane iphethwe yisisu. Siyaphekwa lesi sigaxa sikaCubudwane , sibe yiSiphungo esiphuzwa yingane ephetwe yisisu. Lesi Siphungo siphinde sisebenze ekwelapheni ingane encane  uma inenkinga yeNongwane egolozayo ukuphola. Lesi Siphungo senza inkaba yengane isheshe iphole. Siyasiza futhi lesi siphunga ekwenzeni ingane ithande ukudla phecelezi ibe neApetite. Siyasiza futhi lesi Siphungo ekubohliseni isisu sengane uma siqumbelene, sigcwele umoya. Senza ingane ibhodle kahle kubohle ukukhukhumala kwesisu. Isigaxa seCubudwane siyangena nasezimbizeni zoMame zokwehlisa inhlungu yeFindo. Siyangena futhi nasezimbizeni zokuqinisa umzimba, izimbiza eziphuzwa ngabantu abanomzimba ontekenteke

Khumu!

Niphile nina abakaMamonga woSuthu uDlothovu kabhekeki ufana nemisebe yeLanga! Thola olunye ulwazi kuYou Tube wethu osihloko sithi” Kholo Khumalo TV”..