UMdubu
Incazelo ngoMdubu
Nina bakaSingquma khuluma bakuz”umoya abasezitheni nabasemakhaya!USela lintongande lawoBaleka , lithabath”umshiza lawetshatha, liyawugalela ngawo emaNkenganeni.Imbuzi kaDambuza abayibambe ngendlebe yabekezela,ayinjengekaMdlaka ngaseNtshobozeni yena ayibambe ngendlebe yadabula yaqeda amadoda.Inkomo eyabuya yodwa kwaSoshangane ezinye ziyokufa uMdlebe.Ngethemba basaphila abeSilo.Esithombeni yisihlahla soMdubu,simila kakhulu eduze nomfula.Sakhula kuthiwa induku yaso akushaywa ngayo inkomazi ngo aiyishayile leyo nkomazi iyohlala ephunze njalo.Uyangena-ke uMdubu kwezaMakhathakhatha nina beSilo.Kuye kusetshenziswe impande.Yinhle kakhulu kwezokucija uBhoko lweSisu.Unamandla kakhulu uMdubu kuleyo ndawo nina beSilo.Ushisa izilonda esiswini uvule nayo yonke imithambo evalekile.Uvuselele imizwa yocansi.Wenza okufanayo nakoMame,ushisa izilonda esibelethweni,uvuselele nemizwa yocansi koMame.Isiphungo sezimpande zoMdubu zinhle nasezinsweni nokho akufanele usiphuze njalo ngoba sinamandla kakhulu sibuye sone nesibindi.Impuphu yezimpande zoMdubu iye idliwe ngoBisi ekuseni njengoQonsi idlelwe ukuqinisa uBhoko lweSisu.Iyadliwa futhi nangomhluzi wenyama enganonile.Impuphu yezimpande zoMdubu iye inanyekwe nasemanxeni kanye nasezilondeni,ishisa izilonda zishe qhu.
Khumu!
Thola olunye ulwazi ku You Tube wethu osihloko sithi “Kholo Khumalo TV”
Thokoza khehla kunjani Mina ngibonga kakhulu ngemfundiso yomuthi engiyithola Lana eminingi ngiyabonga
Wena weSilo
Ngibingelele
Ngiyabonga kakhulu ngezincazele,bengithi angibuze ukuthi uyaphuzwa kuphela yini umdubu ?