Sereto sa Bakgaga ba Mphahlele

Ke Motho yo a tjwago Khiribane ga Makhura ma gana go lewa madumela go tlola.

Rena ga geshu makhur’a kgomo re tlolela teng.

Khiribane kgomo go ruiwa dithamaga.

Thamaga tja go dishwa ke dikgogo badimo.

Khiribane go lla kgomo gwa lla motho.

Hleng ntju la kgomo le swana le la motho?

Ke Mokgaga Mmakubela a moratho,

Ba re Bakgaga ba hweditje noka e tletje ba tshela ba ena lehlaka.

Ba re meetse hlapang ka ona le a kweng.

Ga gona kubu,

Ga gona kwena

Ga gona selumi se meetseng.

Se selumi se meetseng ke tjwile.