(Sereto sa Matebele a Motobetjane)
Ke rena Matebele Makonkwane
Ra hloka kgomo re ja motho!
Re maku’bu-kgomo Matebele
Matebele a go Sepela a sa tšwara!
Ba re makubu ga bane sereto
Sereto ke mma bona a hwile!
Ke bona Matebele makonkwane
Ba rego ba hloka kgomo ba ja motho!
Ke batho ba gabo Lemetša
Ke nama madumela go bešwa
Ba dihlaa ba sega ba metša!
Wene o segago o etshwa o ka se khore!
Ke batho ba gabo Matšhe,
Mamokate a Sefiša!
Yena thala-bodiba a noka lewatle Swatseng
Ba re thala o etla keno maphaswaneng a thaba bošega!
Mono ga matheba a kgomo!
Ke batho ba gabo Malatji Phonyoga!
Se phonyoga Maswatsi Swatsing
O phonyogile mapono ba mo kakatletše
Gwa thwe Tšhidi tšhabela thaba lebopo thaba ya bo Mmatshwane a Molepo!
Ke Mahlogeledi a bo Mokabi,
Batho ba remile mokabi ba re re a lometša!
Kganthe “Mahlogelodi” a bo mokabi o etla,
Yena selwešanya diboba,
Nosi le mojwa di alwa di ba ka borologa !
Booo boo obo, booo boo bo!
Re batho ba ga koto(leoto) le tshela le gora(noka)le fetetša lengwe,
Lengwe la šala le hlabana ntwa
Re bowa lebopo thaba sewisha thaba boshega,
Thaba ya bo mmatshwane a Molepo Tlou ya tomola mogaba,
Tlowana tša nwa kgabane fateng sa madietšane.
Re batho ba bo bo Mokgale mankoko motlapedi wa magakala
Batho ba bo Tsheoga letlapa la ba Mankgane
Re batho ba bo Madire ba bo Matšhe mamokate a sefisha
