Sereto sa ba ga Makgalemele

Rena re bana ba Kgosi

Ba Kgalema’ a mosadi ‘a Borwa wa Makgalemele ‘a Molefe Kutwana nyakwana’ bo Mmamorietsane wa bo Mmolawa

Re bana ba Kgalema’ mosadi e moso

Ba rego tshabang Mabefe showe o etla!

Ba re Tau lesa kgomo Mabefe oe tla

Nna re Batho babo Kgosi Mojomogolo a mafetsa tshukudu, taata Makgale

Ba re ngwana lesuhu ke lle moroba wa marumo laba nyatsang

Rena re bowa Bokone bja mmafori legafola ga- Ranapo wa thabana nkego dibete tsa badimo

Rena re bowa Sekgonyana sa Bokone sedibeletsa Matebele

Re bowa Motsekgoka wa Makau phororo modumo wa mahlaku maripega dithito go bola

Gare Makubu re Matebele’ a boago Morulana wa leetsana wa mmamasenya’ kgosi

Ke Tau – kgolo lentswe leramaga

Le tswang Mashite Maphokwaneng