Incazelo ngoVimbukhalo \Ipomoea crassipe Hook\Wildpatata\Seletjane -se-setona
Nina bakaNdaba omuhle kakhulu uNdaba ngiyameba ngimuke naye ngimbuke kuze kwehle nezinyembezi kube sengathi ngibuka isihlahla soMdlebe! UNomakhwelo iNgonyama uHlanya olusemehlweni amadoda!
Ngiyayibingelela iNgabade enhla nasezansi. Ngethemba abeNgonyama basaphila.
UVimbukhalo
UVimbukhalo yisimila esimila endle , esisinesigaxa esifana ncamashi nesikaBhatata. Isigaxa sikaVimbukhalo sicishe sifane nesikaBhoqo, kuhluke kancane . Kuthiwa abantu basendulo babezidla izigaxa zika Bhoqo nesika Vimbukhalo. Kuthiwa endulo kwakuthi uma lomisile izulu abantu baphume ngobuningi baphikelele endle , bayomba izigaxa zalezi zimila ezibizwa ngoVimbukhalo kanye noBhoqo. Kuthiwa babezimba zibe ningi impela , bazigaye , bazomise bazenze umcaba wokuvuba amasi . Kuthiwa zimnandi zehla esiphundu .
Amagama uVimbukhalo aziwa ngawo
NgesiZulu lo muthi ubizwa ngokuthi uVimbukhalo . NgesiSuthu kuthiwa yi Sekutle , noma yi Seletjane -se-setona. NgesiBhunu kuthiwa yiWildpatata. NgesiLungu kuthiwa yi Ipomoea crassipe Hook, noma Leafy -flowered Ipomoea, noma Wildewide . Maningana impela amagama lo muthi owaziwa ngawo .
Wenzani uVimbukhalo ?
UVimbikhalo yintelezi enkulu evimba izinto zabathakathi . Ungena ezintelezini zokuchela ikhaya , uvimba uphinde uphindise ubukhunkuli, ususa namathunzi. Uyangena nakwezokubethela. UVimbukhalo uyangena nasentelezini egeza umuntu onesichitho , noma inhloboni yesichitho . Uyageza , uyagquma . UVimbukhalo uyangena entelezini egeza umuntu ohlushwa amabhadi. Nakhona uyageza ubuye ugqume. UVimbukhalo muhle kakhulu ekwelapheni Amafufunyana phecelezi iZizwe, muhle futhi nasekuxosheni isilwane noma utikoloshe osehluphile ekhaya. Uye uqhathwe neminye imithi . Muhle futhi nasemfuyweni , isigaxa sawo kanye nesikaMhlobo wawo uBhoqo , kanye neNtolwane kuye kugxotshwe , bese kuphuziswa imfuyo ukuze ikhuluphale , inone , yande . Ukunona kwemfuyo kusho ukwanda kwayo , ngoba phela izosheshe ikhwelane , imithe, bese iyanda . Kanti impuphu yesigaxa sika Vimbukhalo kuye kuphululwe ngayo imfuyo ukuze ingakhathazwa yizilwane zabakhunkuli , otikoloshe . Lona wumuthi obaluleke kakhulu nina beSilo . Ake ngime lapho nina bakaMpondo zamila enjeni engabe enkomeni zesabani!
Greetings Mtungwa,
I just would like to say thank you for being of such great assistance to people like myself.
Okuningi okuchazayo kuyikona impela, ngizothola ngi kwasi ukuthi ngi verify a lot of information that comes through to me in my visions.
Siyabonga kakhulu, sengathi uMdali no Mvelinqangi bengamubusisa kakhulu.
Ngiyabonga wena weSilo
Greetings to you
Is it possible for me to plant it I’m my yard
Yes