Mafa Molapatene a Masilo
Batho ba phala fulela thabeng
Fase re sia manangana re sia dingena mesifa
Re batho ba mapatole a se tia koma leolene
Ba mafa re tswetswe re sena kgosi
Ke batho ba koroboyi ntsha batho madibeng
Ba mogwe monyala ka dipudi mmatswale a duma maswi
Ke batho ba ramoganyakana kolobe,
Kgomo se boya masegare se amusha ohle mabotla.
Ke batho ba thaba ya sekgetlo sebotje,
Thaba ya mmamarumo abo nakene
ke babo maditsi a phoofolo,
A hwetsa maphoofolo a dutse a tsentsha letsubitsubi
Nna ke motho wa mma Polo a Sibipa,
Mmipegela mpopona gake rogane kea reta..
Dikolobe tsa mankgekge a boloko, gotswa go kolobe kere.