Tinanatelo takaDlamini-Nkhosi.

Tinanatelo takaDlamini-Nkhosi

Nkhosi!

Dlamini!

Wena weKunene

Wena weluHlanga lwakwaNgwane

Wena omuhle kakhulu

Sidlubuladlwedlwe sakaLobamba lesithi sibapha sibe sibadlubulisa!

Wena lowabophela lokuhle emfuntini watsi mfati ubotala!

Sidvwabasilutfuli singaba ncwaba seta noMlandzakati.

Nyatsi le mpondvo timankhenkenene!

Nyatsi leyadla muntfu kwanga bamhlabe ngeliHloka!

Vuso leladla muntfu osesiswini kwatsi lo ngaphandle wasinda ngekutibalekela!

Mahlala elukhandzeni lweNyatsi,

Wentela beNyatsini khona betokubalekala!

Mangcwangu!

Mangcwangu ka Samketi!

Samketi sineMbovu kuMalangeni!

Wena longayidli iMvu lemnyama wesaba imncondvo nemafinyela!

Wena Mamba lendze levuka etihosheni teLubhalule.

Wena lowagudla Lubombo walucedza ngekuhlehletela!

Way’eMbo wabuyelela!

Hlubi wakucala!Hlubi lomuhle uMlangeni!

Mlangeni longanatsi emanti

Unatsa ingati yemedvodza!

Gwalagwala!

Gwalagwala lelihle inyoni yeMakhosi!

Lishumi letfu lekutsenga!

Dlamini!

Mlangeni!

Nkhosi!

Awucedwa Nkhosi!