iDlinza lesangoma uNobhiyana Madondo.

UNobhiyana Madonda (Madondo)

Nina abeNkomo eyakhala eMthonjaneni izizwe zonke zayizwa ukulila.Kuthiwa langa limbe iSilo uShaka sake savivinya iZangoma ezaziphila ngesikhathi saso .Kuthiwa iLembe lavuka ebusuku labamba iSiphongwana lasihlaba.Emva kwalokho lathatha igazi leSphongwana layolininda emnyango wendlu elalilala kuyo(iQhugwana).Kuthiwa ekuseni abantu bavuka bakhuza umhlola bathi ubani lo Mthakakathi ozama ukusokoca iZulu eliphezulu?Kuthiwa iLembe labe selibiza iZangoma ezithile ukuba zizobhula phela,zisho ukuba wubani lo Msokoco ogcobe igazi endlini yeZulu eliphezulu.Kuthiwa zabhula-ke iZangoma zikhomba abantu ababemsulwa.Kuthiwa kwathi ekugcineni saqhamuka iSangoma sakwaMadonda uNobhiyana.Sathintathinta izikhwama zaso maqede sabheka phezulu sibheka iLanga.Sathi uma sibuyisa ubuso sakhomba iLembe sathi ” Zulu eliphezulu”. Kuthiwa abantu bababaza umhlola bethi kuNobhiyana “ungubani yena osola iZulu eliphezulu ngokukhunkula”? Kuthiwa iLembe lathokoza kakhulu ngokushaya emhlolweni kukaNobhiyana .Lamxoshisa nangezithole kanye nenkunzi yazo.Kuthiwa zonke iZangoma ezazibhule amampunge zaphanjaniswa nemvula.Esithombeni nina beSilo yiDlinza likaNobhiyana.Uzalo lukaNobhiyana naluya eNtembeni,indaweni okuthiwa kuseMgodi.

Khumu!