ILoyi
Incazelo ngeLoyi(Datura stramonium,iJoye)
Nalo-ke iLoyi nina beSilo,lona kanye elivela ezibongweni zeNdudumo yaseMgungundlovu,iSilo uDingane uma kuthiwa”üVezi ngimfumane bemzila ngafike ngamudla kanti ngizifaka iLoyi esiswini”.INduku lena edinga ukuba umuntu aqaphele uma ezoyisebenzisa ngoba inobuthi futhi iyahlanyisa.Lona wumuthi omuhle kakhulu wamanxeba,amanxeba amasha namadala.NabeLungu bawuthwele ngeQoma lo muthi.NgesiZulu iLoyi libuye libizwe ngokuthi yiJoye,noma uMvimbangwe.NgesiNgisi iLoyi libizwa ngokuthi yiThe Devil’s Trumpet,noma The Jameson’sweed,noma Thorn Aple Plant noma iDatura Metel.Kuthiwa iThorn Aple Plant ngoba isithelo sawo sinameva.Le Nduku kayidliwa ngoba kuthiwa inoshevu futhi iyamsanganisa umuntu osuke eyidlile.Ikakhulukazi isithelo bathi uma uke wasidla uyasangana impela uboshwe ngamaKetango.Siphambanisa ikhanda.Kuhamba kuhambe umqonqo ubuye,ngaphandle kokwelashwa.ILoyi libuye livele ezibongweni zenkosi uMzilikazi uma kuthiwa”Wadla iLoyi wadla iNkelenkele wabhodlela kwezikaMoyebe zabonakala ngodaka emanselweni ukuthi ziyiwelile iMbembesi zibange eNyathi’.
Ekwelapheni
ILoyi limila kakhulu eduze nezibaya,noma ezindaweni ezindaweni ezinomhlaba omuhle,ovundile.ILoyi liwumuthi umkhulu wamanxeba, amathumba nezilonda.Lelapha amanxeba amasha,kanye namadala.Kusebenza amacembe.Kukhanyelwa umhluzi wawo enxebeni ,elisha noma elidala. Inxeba livele lome nkwe.Lo mhluzi uye ukhanyelwe nasethumbeni eselibonakala umlomo walo,eselisondele ekuvuthweni.Umhluzi weLoyi udonsa bonke ubomvu ethumbeni,livele liziqhumele ngaphandle kokukhanywa.ILoyi libuye lidambise amandla esifo sokucicinana,phecelezi i-Asthma.Kusukela endulo oKhokho bethu babomisa amacembe eLoyi,bawabheme njengeGudu
ukudambisa amandla esifo sokucinana.Amacembe nezimpande zeLoyi kubuye kungene emithini yokwelapha umuntu ogula ngengqondo,osanganayo.Liyagena emibhemisweni ebhenyiswa umuntu osanganayo,liyangena futhi nasezimbizeni eziphuzwa umuntu
osanganayo.AbeLungu nabo bayalisebenzisa iLoyi,balisebenzisa kakhulu emanxebeni nakwi Asthma.Liyangena iLoyi nasensizini yokucupha imvukuzane uma ifakwe kumuntu.
Khumu
Ngena kuYou Tube wethu osihloko sithi ‘Kholo Khumalo TV’ ubheme ukholwe
ngolwazi ngamakhambi.
