ISinkwe (Bush baby)

Incazelo ngeSinkwe  (Bush baby)

Nina abakaMancwaba wezwe lamaphethelo lona lincwaba ngemikhemezelo,inkomo eyabuya yodwa kwaSoshangane ezinye ziyokufa uMdlebe.Ngethemba basaphila abeSilo.Esithombeni nina beSilo iSinkwe phecelezi Bush baby.Kuthiwa iBush baby ngenxa yomsindo esiwenza uma sikhala ehlathini,sikhalisa okwengane encane.

Senzani iSinkwe

Nina beSilo insizi yesifo sohlangothi isuke ingaphelele uma singekho isandla seSinkwe kuleyo nsizi.Phela iSinkwe sihle kakhulu ekubambeleleni nasekunqakeni,sifana neNkawu.Ikhanda leSinkwe lihle eMibhemisweni yesifo sokudlikiza,isifo sesithuthwane.Phela iSinkwe siyathanda ukumbuluza sizifise njengeMbulu.ISikhumba seSinkwe sihle kakhulu ekushunqiseleni ingane elala ikhala ebusuku.Sixosha imimoya emibi.Isikhumba seSinkwe nasekuzinsizini zokushunqisela ingane eseyephuzile ukukhasa noma ukuhamba.

Khumu! 

Thola olunye ulwazi kuYou Tube wethu osihloko sithi”Kholo Khumalo TV”