Serero sa ga Mahopo
Ke Mahopo MmaLesiba Ke nonyane ke tlhakoleile
Diphofa ga di ntekane.
Ke kgwadi ya Ngwana Semenya Thongwana e dibala di morago tsa orakaraketsa molomo,
Molomo ya shala e thotwana.
Ke Sebopa ga se mele letswa sa mela, letswa se a fufuma.
Ke Tswitshwitshwi ya Ramongwana
Ke sephinya se tlala moedi
Ke Matebele A Matlhako,
A Makoro,
Ke Matsutsa
Ke Makgale ke hlaba tshukudu ya Mmadiwawane Matsutsa wee!
A Matlhako a Makoro Makotoko wee!!
Ke Tshebutsi a bo Phala,
Tshebutsi Makwapeng o a ratega
Ba hlwele, ba mo lokelela difotho tsa maoto le tsa matsogo
Tshebutsi o bethile MmaManoko a Thengwana,
Kwapa la Tshaba le sena mokhwamelo
Ke pataladi a manna nokeng
Mokgohloa Dipela le Rabaholo
Ke Kemishe a bo Kgabo Matsutsa wee!!
Makotoko wee!!
Ke Mothokwa Maseboko!
Tshukudu ya Mmadiwawane!
