UMphafa yisihlahla esibaluleke kakhulu kubantu abansundu . Isizathu esenza sibaluleke wukuthi loluhlobo lwesihlahla kulandwa ngalo umuntu ongasekho. UMphafa ubuye waziwe ngeloMlahlankosi . UMphafa ungezinye zezihlahla ezinobulili , kukhona uMphafa/uMlahlasankosi wesilisa kanye nowesifazane . Owesifazana uthela izithelo kanti futhi ukhula uthi thuthu kowesilisa .Owesilisa awukhuli kakhulu futhi awuzitheli izithelo . Yomibili iMiphafa inameva ahlaba kabuhlungu. Uma kulandwa umuntu ongasekho kuyaye kugawulwe/kukhiwe ihlamvu noma igatshana loMphafa kuyiwe nalo lapho kushonele khona lowo muntu kufikwe kukhulunywe nomphefumulo walowo useshonile , ubikelwe ukuthi usuzolandwa . Phela kushona umuntu kepha umphefumulo kawushoni . Umuntu ongasekho ulandwa ngabesilisa ngoba kukholelwa ekutheni abesilisa yibona abasondelene kakhulu nedlozi . Uma sekuhanjwa sekuphikelelwe ekhaya kuyaxoxwa nomuntu ongasekho, abikelwe uma sebedlula endaweni ayeyikhonzile , noma lapho kuhlala khona umngane wakhe othile, noma lapho kuhlala khona isihlobo, kungaba uMalume , uBabekazi , uMama omncane njalo njalo . Empeleni endulo uMphafa wawusebenza ukulanda umuntu ongasekho wesilisa hhayi owesifazane , owesifazane wayelandwa ngoMganu . Zikhona izindawo zakwaZulu ezisakwenza lokho ,owesifazana basamlanda ngoMganu , owesilisa basamlanda ngawo uMphafa . Uma kuwukuthi uMphafa awutholakali endaweni lapho kushonele khona uMufi kuyaye kusetshenziswe uMthathe . UMthathe wuhlobo lwesihlahla ulonamaxolo aphuzi uma esegawuliwe noma ngithi uma esegeciwe. UMthathe unukisa okomuthi wesilungu wokuhlikihla(rub) amadolo abuhlungu. Uma ungatholakali nawo uMthathe kuyaye kusetshenziswe iSiqunga/ uTshanibezwe. Uma naso iSiqunga singekho kuyaye kushiswe imphepho endaweni lapho kuphangalelele khona uMufi , kukhulunywe naye abikelwe ukuthi usezolandwa . Isizathu sokulandwa komuntu ongasekho kusuke kwenzelwa ukuthi ayohlala nabakwabo noma nezingane zakhe ekhaya . Esinye isizathu esokuthi angasali ehlupha abantu abahlala endaweni ashonele kuyo ngokuvuka abonakale ehamba kodwa yena ebe esashona.
Kucacile
Amen,
Kuyintokozo impela. Siyohlale sicije izindlebe.
Zitholakalaphi lezihlahla ngiyazidinga.
Siyathokoza ngolwazi olunzulu impela.
Ngicela ukubu
Siyabulela ngencazelo, zitholakala phi lezizihlahla,
Siyabonga ngakhulu ngokusazisa ngomlandu wethu ukuthi sidabukaphi Kanye nezincazelo zezibongo zethu nokusithulela amakhosi akithi. Ngicela ningisizi ngemithi yesizulu enceda Abantu imizekelo 1 abangatholi abantwana Mele bathole yiphi imithi 2 abagulayo 3 owenhlanhla angeke ngicaze konke kodwa ngicela ningethulele imithi nemisebenziyayo namagama aleyo Mithi ngingakubona kakhulu uslzo lwenu
the botanic name is call zizipus mucranata nxa o funa ugusithenga la gu thengiswa khona ihlahla
.